Volante de empadroamento (SEC.03)

Qué é o volante de empadroamento

É un documento de carácter puramente informativo en relación coa residencia no municipio e o domicilio habitual no mesmo conforme os datos do Padrón Municipal de Habitantes, de acordo co establecido no artigo 61 do Regulamento de Poboación e Demarcación Territorial da Entidades Locais aprobado por RD 1690/1986, do 11 de xullo.  

Para qué serve

Os cidadáns precisan de volantes para a realización de trámites tales como: expedición do DNI., pasaporte, Xefatura de Tráfico (altas, transferencias, matriculación de vehículos, modificación de datos), bolsas de traballo, universidade, parellas de feito, aduanas, residencia de anciáns, solicitude de vivendas, matrículas de institutos, colexios e garderías, trámites na Axencia Tributaria, colexiación ante colexios profesionais, cursos de formación, adquisición de vivendas, Instalacións municipais etc., a condición de que non se lles esixa documento público fidedigno sobre a residencia e domicilio habitual, nese caso deberán solicitar certificado do Padrón Municipal.

Fundamento legal

• Lei 7/1985, do 2 de abril, Reguladora das Bases de Réxime Local (BOE/BOE nº30 de 3 abril), modificada pola Lei 14/2003, do 20 de novembro, de Reforma da Lei Orgánica 4/2000, do 11 de xaneiro, de Dereitos e Liberdades dos Estranxeiros en España e a súa Integración Social.
• Lei 4/1996, do 10 de xaneiro, pola que se modifica a Lei 7/1985, do 2 de abril, reguladora das Bases de Réxime Local, en relación co Padrón Municipal.
• Real Decreto 1690/1986, do 11 de xullo, Regulamento de Poboación e Demarcación Territorial das Entidades Locais.
• Lei Orgánica 3/2018, do 5 de decembro, de Protección de Datos Persoais e garantía dos dereitos dixitais.
• Lei 39/2015, do 1 de outubro, do Procedemento Administrativo Común das Administracións Públicas.
• Resolución do 29 de abril de 2020, da Subsecretaría, pola que se publica a Resolución do 17 de febreiro de 2020, da Presidencia do Instituto Nacional de Estatística e da Dirección Xeral de Cooperación Autonómica e Local, pola que se ditan instrucións técnicas aos Concellos sobre a xestión do Padrón municipal.

Destinatarios

Persoas físicas residentes ou que residisen no Municipio de Culleredo.

Prazo de resolución

Plazo normal de resolución: 

• de forma presencial entregaranse ao instante nas Oficinas de Atención Cidadá (rúa Ramón Cabanillas nº 14, O Burgo; ou na Casa Consistorial, rúa do Concello nº12, Tarrío, en horario de 09:00 a 14:00 horas de luns a venres;  
• de forma telemática nun prazo aproximado de 12 a 48 horas, recibirá un aviso de notificación por email e/ou teléfono indicándolle que está a súa disposición a notificación na sede electrónica (no apartado “Consulta dos seus trámites”).

Órgano competente para resolver

Secretaría Xeral - Rexistro e Atención Cidadá 

Documentación relacionada

No caso de tramitación presencial, é necesario acreditar a identidade, mediante a presentación do DNI, NIE ou outro tipo de documento acreditativo. No caso de tramitación online, acceda con Certificado dixital. 
Se non é o titular, deberá presentar a debida autorización, copia de documento identificativo do interesado e documento identificativo do autorizado.
Menores de idade: poderán solicitarse polos pais ou titores legais previa acreditación da súa identidade e da documentación que acredite a súa condición ( libro de familia ou documento que outorgue a tutela ). No caso de que se solicite por un proxenitor que non resida no mesmo domicilio requirirase a achega da autorización do outro proxenitor.

Tipos de volante de empadroamento

• Volante individual: Informa sobre a residencia e domicilio habitual dunha persoa.
• Volante Individual histórico: Informa sobre a residencia e domicilio habitual dunha persoa no municipio, facendo constar o tempo que leva empadroado no municipio.
• Volante histórico altas/baixas: Informa sobre o período de tempo que residiu unha persoa neste municipio. (Só para habitantes que causasen baixa neste municipio nalgún momento).
• Volante colectivo: Informa sobre a residencia da totalidade de persoas rexistradas no domicilio.
• Volante colectivo e histórico: Informa sobre a residencia da totalidade das persoas rexistradas no  municipio, facendo constar o tempo que levan empadroados no municipio.