O Padrón municipal é o rexistro administrativo onde constan as veciñas e os veciños dun municipio. Os seus datos constitúen proba da residencia no municipio e do domicilio habitual nel. Todas as persoas que vivan en España están obrigadas a inscribírense no Padrón do municipio no que residan habitualmente. Quen viva en varios municipios deberá inscribirse unicamente no que habite durante máis tempo ao ano.
Mediante o certificado de empadroamento constátase a inscrición no Padrón municipal de habitantes do concello. É o documento que acredita fidedignamente o feito do empadroamento.
-Lei 7/1985, do 2 de abril, Reguladora das Bases de Réxime Local (BOE/BOE nº30 de 3 abril), modificada pola Lei 14/2003, do 20 de novembro, de Reforma da Lei Orgánica 4/2000, do 11 de xaneiro, de Dereitos e Liberdades dos Estranxeiros en España e a súa Integración Social.-Lei 4/1996, do 10 de xaneiro, pola que se modifica a Lei 7/1985, do 2 de abril, reguladora das Bases de Réxime Local, en relación co Padrón Municipal.-Real Decreto 1690/1986, do 11 de xullo, Regulamento de Poboación e Demarcación Territorial das Entidades Locais.-Lei Orgánica 3/2018, do 5 de decembro, de Protección de Datos Persoais e garantía dos dereitos dixitais.-Lei 39/2015, do 1 de outubro, do Procedemento Administrativo Común das Administracións Públicas.-Resolución do 29 de abril de 2020, da Subsecretaría, pola que se publica a Resolución do 17 de febreiro de 2020, da Presidencia do Instituto Nacional de Estatística e da Dirección Xeral de Cooperación Autonómica e Local, pola que se ditan instrucións técnicas aos Concellos sobre a xestión do Padrón municipal.
Persoas físicas residentes ou que residiran no Municipio de Culleredo.
-Prazo normal de resolución: tanto de forma presencial como de forma telemática entréganse nun prazo aproximado de 1 día habil, para os solicitados de forma telemática recibirá un aviso de notificación por email e/ou teléfono indicándolle que xa está á súa disposición a notificación na sede electrónica (en apartado “consultas dos seus trámites”).
Secretaría Xeral -Rexistro e Atención Cidadá-
Teléfono: 981 67 77 77
Correo electrónico: padron@culleredo.es
• Telematicamente: A través da Sede electrónica, pulsando o botón “Nova instancia” situado ao final desta páxina, para iniciar o trámite (recomendado).
• Presencial: No Rexistro Xeral de Entrada do Concello de Culleredo, situado no Edificio de Servizos Múltiples do Burgo (rúa Ramón Cabanillas nº 14, O Burgo); na Casa Consitorial (rua do Concello nº12, Tarrío), en horario de 9.00 a 14.00 h (de luns a venres); ou nos lugares previstos no artigo 16.4 da Lei 39/2015, do 1 de outubro, do Procedemento Administrativo Común das Administracións Públicas (oficinas de Correos, Entidades adheridas a Ventanilla Unica, SIR, ORVE).
-No caso de tramitación presencial, é necesario acreditar a identidade, mediante a presentación do DNI, NIE ou outro tipo de documento acreditativo.
-No caso de tramitación online, acceda con Certificado dixital. -Se non é o titular, deberá presentar a debida autorización, copia de documento identificativo do interesado e documento identificativo do autorizado.-Menores de idade: poderán solicitarse polos pais ou titores legais previa acreditación da súa identidade e da documentación que acredite a súa condición ( libro de familia ou documento que outorgue a tutela ). No caso de que se solicite por un proxenitor que non resida no mesmo domicilio requirirase a achega da autorización do outro proxenitor.
-Certificado individual: Informa sobre a residencia e domicilio habitual dunha persoa. -Certificado colectivo: Informa sobre a residencia da totalidade das persoas rexistradas no municipio, facendo constar o tempo que levan empadroados no municipio.
